Dünya ölkələrinin liderləri Azərbaycan Prezidentini təbrik edib
Yaponiya İmperatoru Akihito Azərbaycan Prezidenti İlham Əliyevi 28 May -Respublika Günü münasibəti ilə təbrik edib.
1news.az dövlət başçısının saytına istinadən xəbər ki, məktubda deyilir:
“Zati-aliləri.
Azərbaycanın milli bayramı - Respublika Günü münasibətilə Sizə səmimi təbriklərimi, Zati-alinizə xoşbəxtlik və xalqınıza rifah arzularımı çatdırmaqdan böyük məmnunluq hissi duyuram”.
Bundan əlavə, İsveçrə Konfederasiyasının Prezidenti Yohan Şnayder-Amman da təbrik məktubu göndərib:
“Zati-aliləri.
Azərbaycanın milli bayramı – Respublika Günü münasibətilə Sizə İsveçrə Konfederasiyası Federal Şurası adından səmimi təbriklərimizi çatdırır, Zati-alinizə möhkəm cansağlığı və xoşbəxtlik diləyir, ölkənizə inkişaf, əmin-amanlıq və rifah arzu edirik.
Əminəm ki, ölkələrimiz arasındakı qarşılıqlı hörmət və dostluq əlaqələri qarşıdakı illərdə daha da möhkəmlənəcək.
Zati-aliləri, xahiş edirəm, ən yüksək ehtiramımı qəbul edin”.
Daha sonra, Misir Ərəb Respublikasının Prezidenti Əbdülfəttah əs-Sisi, İsrailin Baş naziri Benyamin Netanyahu, İspaniya Kralı VI Felipe, Dövlətlərarası Aviasiya Komitəsinin sədri Tatyana Anodina da Prezident İlham Əliyevə təbrik məktubu göndərib.
1news.az
