GUAM-ın qərargahında narkotik maddələrin qanunsuz dövriyyəsi ilə mübarizə məsələləri müzakirə edilib

İyunun 2-3-də GUAM Katibliyinin Ukrayna paytaxtındakı qərargahında Azərbaycan tərəfinin sədrliyi ilə narkotik maddələrin qanunsuz dövriyyəsi ilə mübarizə üzrə işçi alt qrupun 18-ci iclası keçirilib. Bu barədə AZƏRTAC-a təşkilatın Kiyev qərargahından məlumat verilib.

Görüşdə GUAM-a bütün üzv ölkələrin nümayəndə heyətləri iştirak edib.

Tədbirdə milli qanunvericilikdə dəyişikliklər, əməliyyat şəraiti və narkotik maddələrin qanunsuz dövriyyəsi ilə mübarizə üzrə məlumat mübadiləsi aparılıb.

Növbəti iclas oktyabrın 6-7-də keçiriləcək.

AZƏRTAC