Pyotr Poroşenko: Ukrayna Dağlıq Qarabağı tanımır
Ukrayna Dağlıq Qarabağı tanımır və Azərbaycanın Krımla bağlı eyni mövqedə olmasını alqışlayır.
1news.az-ın “112 Ukrayna” telekanalına istinadən verdiyi məlumata əsasən, bu haqda Ukraynanın prezidenti Pyotr Poroşenko Bakıda Azərbaycan Prezidenti İlham Əliyevlə birgə mətbuat konfransı zamanı deyib.
“Vurğulamaq istərdim ki, Ukrayna Dağlıq Qarabağı tanımır və, dediyimiz kimi, onun müvafiq sertifikasiya sənədlərini qəbul etmir. Azərbaycanın Krımla bağlı eyni mövqedə olmasını da alqışlayırıq”, - deyə Poroşenko qeyd edib.
Onun sözlərinə görə, Ukraynanın BMT-nin Təhlükəsizlik Şurasına üzv olduğunu nəzərə alaraq tərəflər yanaşmalarının uyğunlaşdırılması və əlaqələndirilməsi, həmçinin çoxtərəfli format çərçivəsində əməkdaşlığın genişləndirilməsi barədə razılığa gəliblər.
“Azərbaycan BMT-nin Təhlükəsizlik Şurasının üzvü olarkən fəal şəkildə Ukraynanı dəstəkləyib. Və hal-hazırda, vurğulayaraq qeyd etmək istərdim ki, 2016-2017-ci illərdə Azərbaycan bütünlüklə Ukraynanın dəstəyinə arxayın ola bilər”, - deyə Ukrayna prezidenti əlavə edib.
Bundan əlavə, P.Poroşenko Ukraynanın qəti şəkildə Dağlıq Qarabağ məsələsində status-kvonun saxlanmasının etmədiyini bildirib.
1news.az
