Avtomobilini traktora vuran Naxçıvan sakinininin atası öldü

İyulun 12-də saat 08:00 radələrində Naxçıvan Muxtar Respublikasının Kəngərli rayonunun Xok kəndində ölümlə nəticələnən ağır yol-nəqliyyat hadisəsi baş verib.

1news.az-ın Daxili İşlər Nazirliyinə istinadən verdiyi xəbərə görə, Şərur rayon sakini Daşqın Heydərov idarə etdiyi “VAZ-21723” markalı avtomobili qarşıda gedən Kəngərli rayon sakini Saleh İsayevin idarə etdiyi “MTZ-80” markalı traktora vurub.

Xəstəxanaya yerləşdirilmiş D.Heydərovun sərnişini, atası Şahgəldi Heydərov iyulun 13-də orada dünyasını dəyişib.

Faktla bağlı araşdırma aparılır.

1news.az