Gəncə və Ağcabədidə ev yanıb

Gəncə və Ağcabədi rayonlarında yerləşən evlərdə yanğın olub.

1news.az-ın Fövqəladə Hallar Nazirliyinə istinadən verdiyi xəbərə görə, Gəncə şəhəri, Kəpəz rayonunda vətəndaşa məxsus ümumi sahəsi 25 kv.m olan birmərtəbəli 1 otaqlı evdə məişət əşyaları yanıb. Evin qalan hissəsi yanğından mühafizə olunub.

Bundan başqa Ağcabədi rayonu, Yuxarı Qiyaməddinli kəndində (rayon mərkəzindən 40 km aralı) vətəndaşa məxsus ümumi sahəsi 100 kv.m olan birmərtəbəli 3 otaqlı evin yanar konstruksiyaları yanıb. Yaxınlıqdakı tikililər yanğından mühafizə olunub.

1news.az