Prezident İlham Əliyev Angela Merkelə başsağlığı verib

Azərbaycan prezidenti İlham Əliyev Almaniya Federativ Respublikasının Federal KansleriAngela Merkelə başsağlığı məktubu göndərib.

Başsağlığı məktubda deyilir: “Hörmətli xanım Federal Kansler, Münxendə ticarət mərkəzinə silahlı hücum nəticəsində insanların həlak olması və xəsarət alması xəbəri məni olduqca kədərləndirdi. Baş vermiş faciə ilə əlaqədar sizə, həlak olanların ailələrinə və yaxınlarına, bütün Almaniya xalqına öz adımdan və Azərbaycan xalqı adından dərin hüznlə başsağlığı verir, yaralananların tezliklə sağalmasını arzulayıram”.

Qeyd edək ki, dünən Münxendə ticarət mərkəzinə  edilən silahlı hücumda 10 nəfər ölüb, xeyli insan yaralanıb.