Bakıda nənə ilə iki nəvəsi yanğında xəsarət alıblar

Bakıda mənzillərin birində yanğın olub.

1news.az-ın Daxili İşlər Nazirliyinə istinadən verdiyi xəbərə görə, hadisə dünən saat 21:00 radələrində Suraxanı rayonunun Yeni Günəşli qəsəbəsində qeydə alınıb.

Belə ki, qəsəbənin  “V” yaşayış sahəsində yaşayan Valentina Zaqayevskayanın mənzilində yanğın baş verib. Nəticədə 54 kvm. sahədə yanar konstruksiyalar və oradakı əşyalar yanıb.

Xəsarət almış V.Zaqayevskayaya, nəvələri Nərminə və Kamrana xəstəxanada ilkin tibbi yardım göstərildikdən sonra buraxılıblar.

1news.az