Daşkəsəndə avtobus dərəyə aşıb: ölən və yaralananlar var

Daşkəsən rayonunda ölümlə nəticələnən ağır yol-nəqliyyat hadisəsi baş verib.

1news.az-ın Daxili İşlər Nazirliyinə istinadən verdiyi xəbərə görə, dünən saat 17:00 radələrində Daşkəsən rayonunun Zəylik kəndində kənd sakini Rauf Abdullayev idarə etdiyi “KAVZ” markalı avtobusu dərəyə aşırıb.

Nəticədə onun sərnişininlərindən Göygöl rayon sakini Yusif Nəcəfov hadisə yerində ölüb, özü və digər 2 sərnişini xəstəxanaya yerləşdirilib. 

Faktla bağlı Daşkəsən Rayon Polis Şöbəsi tərəfindən araşdırma aparılır.

1news.az