Bakıda sexdə saxlanılan “Mercedes” yanıb

Bakıda sexlərin birində yanğın olub.

1news.az-ın Fövqəladə Hallar Nazirliyinə istinadən verdiyi xəbərə görə, paytaxtın Binəqədi rayonunda vətəndaşa məxsus ümumi sahəsi 20 kv.m olan yağdəyişmə sexinin içərisində yağ qalıqları yanıb.

Yüksək temperaturdan sexin qarşısında dayanmış vətəndaşa məxsus “Mercedes” markalı minik avtomobilinin ön hissəsi qismən əriyib.

Sex və avtomobilin qalan hissəsi yanğından mühafizə olunub.

1news.az