Elçin Quliyev Beynəlxalq Miqrasiya Təşkilatının regional direktoru ilə görüşüb | 1news.az | Xəbərlər
Siyasət

Elçin Quliyev Beynəlxalq Miqrasiya Təşkilatının regional direktoru ilə görüşüb

10:17 - 29 / 07 / 2016
Elçin Quliyev Beynəlxalq Miqrasiya Təşkilatının regional direktoru ilə görüşüb

Dövlət Sərhəd Xidmətinin rəisi Elçin Quliyev iyulun 28-də Beynəlxalq Miqrasiya Təşkilatının Cənub Şərqi Avropa, Şərqi Avropa və Mərkəzi Asiya üzrə regional direktoru xanım Argentina Sabadoşu qəbul edib.

1news.az-ın məlumatına görə, E.Quliyev Azərbaycan  Respublikasının sərhəd təhlükəsizliyi sistemi, Dövlət Sərhəd Xidmətinin təyinatı və tapşırıqları, dövlət sərhədlərində əməliyyat şəraiti və mövcud təhdidlər barədə məlumat verib.

Azərbaycan Respublikasının sərhəd mühafizəsinin güclən­dirilməsi, texniki təchizatının yaxşılaşdırılması, Dövlət Sərhəd Xidmətinin təlim-tədris imkanlarının təkmilləşdirilməsində Beynəlxalq Miqrasiya Təşkilatı ilə birgə əməkdaşlıq çərçivəsində həyata keçirilən fəaliyyətlərin əhəmiyyəti xüsusi qeyd edilib. 

BMqT-nin regional direktoru Azərbaycan Respublikasının təhlükəsizlik sistemində Dövlət Sərhəd Xidmətinin önəmli yeri və rolunu, ölkə sərhədlərinin etibarlı mühafizəsi üzrə həyata keçirilən tədbirləri, miqrasiya məsələləri üzrə cavabdeh qurumlarla birgə fəaliyyətin vacibliyini vurğulayıb.    

Görüşdə dünyada və regionda baş verən hadisələrin miqrasiya proseslərinə və sərhəd təhlükəsizliyinə təsiri, yeni çağırışlar və cavab tədbirləri ilə bağlı fikir mübadiləsi aparılıb. 

Tərəflər Azərbaycan Respublikasının Dövlət Sərhəd Xidməti ilə Beynəlxalq Miqrasiya Təşkilatı arasında əlaqələrin vəziyyətini yüksək qiymətləndirib və birgə əməkdaşlığın bundan sonra da uğurla davam etdiriləcəyinə əminlik ifadə ediblər.

1news.az

Paylaş:
727

Son xəbərlər

Bütün xəbərlər