Çavuşoğlu: Qarabağın nizamlanması məsələsində Türkiyə Azərbaycanın irəli sürdüyü istənilən mövqeni dəstəkləyəcək
“Ankara Cənubi Qafqazda etibar və sabitlik ab-havasının bərpa olunmasına çalışır. Və bu istiqamətdə o Azərbaycanla birgədir”.
1news.az-ın verdiyi xəbərə görə, bunu Türkiyənin XİN rəhbəri Mövlud Çavuşoğlu bəyan edib:
“Son zamanlar ATƏT-in Minsk qrupunun Dağlıq Qarabağ münaqişəsinin nizamlanması istiqamətində səyləri fəallaşıb. Moskva da bu istiqamətdə əlavə səylər göstərir. Biz də öz töhfəmizi göstərmək istəyirik”.
“İstəyirik ki, Cənubi Qafqazda tam sabitlik və etibarlılıq ab-havası bəpra olunsun. Bu istiqamətdə Azərbaycanın irəli sürdüyü istənilən mövqeni dəstəkləyirik”, - deyə o, sözlərinə əlavə etdi.
Türk-erməni münasibətlərinin normallaşdırılması Azərbaycan tərəfindən birgə baxılacaq.
Türk-erməni münasibətlərinin normallaşdırılması məsələsinə toxunan nazir qeyd edib ki, Ankara daha əvvəllər də bu istiqamətdə addımlar atıb, lakin bu, uğursuz nəticələnib.
“Növbəti proseslərdə də Azərbaycanın qəbul etdiyi mövqelər çərçivəsində regionda münasibətlərin normallaşdırılması istiqamətində birgə addımlar atacağıq. Lakin hər zaman bəyan etdiyimiz kimi bu, hər şeydən öncə Azərbaycanın atdığı addımlardan irəli gəlməlidir.
Soçidə olan zaman rusiyalı həmkarım Sergey Lavrova Ankaranın Moskvanın səylərini dəstəklədiyini bildirmişdim. O, sonrakı proseslərin birgə ola biləcəyini bildirdi və mən də bununla razılaşdım”, - Çavuşoğlu dedi.
Əgər Qırğızıstanda dövlət çevrilişi baş verərsə, bunun müəllifi FETÖ-dur
FETÖ teror təşkilatı tərəfindən dövlət çevrilişinə cəhddən danışan Çavuşoğlu bildirib ki, “Paralel qurumun” üzvləri – bir sıra prokuror və hakimlər Almaniyaya qaçıb.
Həmçinin nazir Almaniyanın onların Ankaraya qaytarılması mövqeyinidən razılığını da bildirib: “Berlin həmin şəxsləri Türkiyəyə qaytarır”.
Bundan əlavə Çavuşoğlu FETÖ-nun Las-Veqasda hərbi bazada məktəb açması xəbərinə də aydınlıq gətirib:
“ABŞ-ın mövcud qanunları şərtlərində məktəbin açılmasına icazə verilirsə, nə demək olar?”.
O xatırladıb ki, son zamanlar Gülən təşkilatının ABŞ-ın müxtəlif ştatlarında açdığı məktəblərdə qanun pozuntuları ilə bağlı xəbərlər yayılıb.
“Həmçinin Gülən terror təşkilatının məktəbləri öz məqsədləri üçün istifadə etmələləri də dərc edilir. Buna görə də, nə cür olsa da, bu təşkillatların fəaliyyəti araşdırılıb öyrənilməlidir”.
Türkiyənin XİN rəhbərinin sözlərinə görə, Ankara bir tərəfdən FETÖ üzvləri ilə mübarizə aparır, digər tərəfdən də başqa ölkələrdə olan səfirlərinə bu terror təşkilatının mahiyyətini ifşa etməyə çalışır:
“Təəssüflər olsun ki, elə ölkələr oldu ki, onlar bu məsələni ciddi qəbul etmədi. Lakin indi onlar bunun təhlükəli olduğunu dərk etdilər”.
Çavuşoğlu qeyd edib ki, FETÖ Qırğızıstanda geniş inkiaşf etmiş quruma malikdir.
“Bu ölkədə Gülən tərəfdarları tərəfindən hərbi çevriliş təhlükəsi qalmaqdadır. Əgər Qırğızıstanda dövlət çevrilişi baş verərsə, bunun müəllifi FETÖ-dur”.
1news.az
