İlham Əliyev İsveçrə prezidentini təbrik edib

Prezident İlham Əliyev İsveçrə Konfederasiyasının Prezidenti Zati-aliləri Yohan Şnayder Ammana məktub göndərib.

1news.az Azərtac-a istinadən xəbər verir ki, məktubda aşağıdakı deyilir:

“Hörmətli cənab Prezident,

İsveçrə Konfederasiyasının milli bayramı münasibətilə Sizi və xalqınızı öz adımdan və Azərbaycan xalqı adından səmimi qəlbdən təbrik edirəm.

Əminəm ki, Azərbaycan ilə İsveçrə arasındakı dostluq və əməkdaşlıq münasibətləri xalqlarımızın mənafelərinə uyğun olaraq bundan sonra da hərtərəfli və dinamik şəkildə inkişaf edəcəkdir.

Belə bir əlamətdar gündə Sizə möhkəm cansağlığı, işlərinizdə uğurlar, dost İsveçrə xalqına daim əmin-amanlıq və firavanlıq arzulayıram”.

1news.az