Avtomobilin salonunda 14 min ədəd siqaret aşkar edildi – FOTO

Sərhəddən xeyli sayda siqareti qanunsuz yolla keçirmək istəyən şəxs saxlanılıb.

1news.az-ın məlumatına görə, Xaçmaz Gömrük İdarəsinin gömrük hüquqpozmalarına qarşı mübarizə şöbəsinə daxil olmuş əməliyyat məlumatına əsasən, “Samur” gömrük postunda Azərbaycan Respublikası vətəndaşının idarə etdiyi nəqliyyat vasitəsinə baxış keçirilib.

Baxış zamanı, nəqliyyat vasitəsinin salonunda 14 min ədəd xarici markalı siqaret aşkar edilərək götürülüb.

Faktla bağlı araşdırma aparılır.

1news.az