KİV: 47 yaşlı Cennifer Lopes hamilədir – FOTO

Qərb KİV-ində planetin ən cazibədar qadınlarından biri olan Cennifer Lopesin hamilə olması barədə məlumatlar yayılıb. İnsayderlərin məlumatına görə, 47 yaşlı müğənni 29 yaşlı sevgilisi Kasper Smartdan hamilədir.

Hesablamalara görə, Cey Lo hamiləliyinin ilkin mərhələsindədir. Deyilənlərə görə müğənninin gənc sevgilisi xoşbəxtlikdən göyün yeddinci qatındadır. Eləcə də, yayılan söz-söhbətlərə görə, rəqqas uzun müddətdir ki, müğənni ilə ümumi övladının olmasını və körpənin dünyaya gəlişindən sonra nəhayət ki, Cennifer onunla ailə qurmağa razı olacağının da arzulayırmış.

Cey Lo isə bu barədə mətbuata heç bir açıqlama verməyib. Lakin cütlüyün yaxınları bildirir ki, əgər həkim icazə verərsə və körpəyə təhlükə yaratmazsa sevgililər Las-Veqasdakı “All I Have” solo proqramında iştiraklarını davam etdirəcəklər.  

Xatırladaq ki, Cennifer Lopesin Mark Entoni ilə nikahından əkizləri – Maks və Emma doğulub. Müsahibələrində geniş ailə və üçüncü dəfə ana olmasını Cey Lo dəfələrlə bəyan edib.

Elle.ru