İranlı nüvə alimi edam edilib

ABŞ-da müəyyən müddət yaşamış nüvəçi alim Şəhram Əmiri Tehranda edam edilib.

1news.az virtualaz-a istinadən xəbər verir ki, bu barədə alimin yaxınları məlumat yayıblar.

2009-cu ildə Məkkəyə Həcc ziyarətinə yollanan Şəhram Əmiri yoxa çıxıb, bir müddət sonra ABŞ-da peyda olub. Onun ABŞ-da Mərkəzi Kəşfiyyat İdarəsi (MKİ) tərəfindən zorla saxlanıldığı bildirilirdi. ABŞ isə alimin oğurlanmasına dair ittihamları təkzib edib.

2010-cu ildə “ABC News” telekanalı Şəhram Əmirinin ABŞ-a qaçdığını və MKİ-yə İranın nüvə proqramı barədə məlumat toplamağa kömək etdiyini bildirib.

Bundan sonra Ağ Ev alimin ABŞ-a qaçdığını və Vaşinqtona mühüm məlumatlar ötürdüyünü açıqlayıb.

2010-cu ildə Tehrana qayıdan Şəhram Əmiri həbs olunmuşdu.

1news.az