Şahin Mustafayev: “Rusiya Azərbaycan iqtisadiyyatına 3 milyard dollar sərmayə yatırıb”
Azərbaycanla Rusiya arasında münasibətlər bütün istiqamətlərdə inkişaf edir.
1news.az-ın verdiyi xəbərə görə, bu barədə iqtisadiyyat naziri Şahin Mustafayev bazar ertəsi Bakıda Azərbaycan-rus və Rusiya-Azərbaycan işgüzar şuralarının geniş iclası zamanı bildirib.
Onun sözlərinə görə, Rusiya ümumilikdə Azərbaycan iqtisadiyyatına 3 milyard dollar sərmayə yatırıb ki, bunun 2,8 milyard dolları neft sahəsinədir:
“Rusiya şirkətinin neft sektoruna yatırılan sərmayələrdən əldə etdiyi gəlir 2 milyard dollara çatıb”.
Nazir bu cür biznes-forumların keçirilməsinin vacibliyini vurğulayıb:
“Son 3 il ərzində bu cür tədbirlərdən 30-u təşkil edilib. Növbəti biznes-forum oktyabrın ikinci yarısında Azərbaycanda keçiriləcək”.
1news.az
