Ərdoğan: Biz hansı güclərin terrorçuları dəstəklədiyini gözəl bilirik
Biz hansı güclərin terrorçuları dəstəklədiyini gözəl bilirik və onların etdiyi əməllərə görə cavab verəcəkləri gün gələcək.
1news.az-ın Türkiyə KİV-lərinə istinadən verdiyi məlumata əsasən, bu haqda Türkiyənin prezidenti Rəcəp Tayip Ərdoğan İstnabulda keçirilən “Demokratiya və şəhidlər uğrunda” mitinqində çıxışı zamanı deyib.
“Hərbi çevriliş cəhdinin qarşısının alınması sübut etdi ki, Türkiyə məğlubedilməzdir və türkiyəliləri “savadsız, ürkək və lazımsız kütlə” görənlər iyulun 15-də şok yaşadılar. Türkiyəni sındıra bilməzlər. O, tutduğu yoldan dönməyəcək”, - deyə R.T.Ərdoğan əlavə edib.
Prezident qeyd edib ki, hal-hazırda ölkənin əsas məsələsi 2023-cü il hədəflərinə çatmaqdır.
“Müasir sivilizasiyanın göstəricilərini arxada qoymalıyıq. Biz gərək 15 iyul tarixini daha güclü və inkişaf etmiş Türkiyənin qurulma erasının başlanğıcına çevirək”, - deyə dövlət başçısı qeyd edib.
Xatırladaq ki, bu mitinqdə 5 milyona yaxın insan iştirak edib.
1news.az
