Bakıda maskalı şəxslər jurnalistin evinə basqın edib

İctimai Televiziya və Radio Yayımları Şirkətinin (İTV) informasiya departamentinin böyük redaktoru Sərvər Bayramovun evinə basqın olub.

1news.az xəbər verir ki, bu barədə APA-ya Sərvər Bayramov özü məlumat verib.

O bildirib ki, ki, təxminən saat 01 radələrində Binəqədi rayonu Sulutəpə qəsəbəsində olan evinin ikinci mərtəbəsində yatarkən birinci mərtəbədən səs-küy eşidərək aşağı enib. Bu zaman maskalı şəxslərin evi axtardığını görüb. Həmin şəxslər S. Bayramovu gördükdən sonra qaçıblar.

Hadisə barəsində Binəqədi rayon Polis İdarəsinə məlumat verilib.

Hazırda faktla bağlı Binəqədi rayon Polis İdarəsinin 40-cı Polis Bölməsində araşdırma aparılır.

1news.az