Elazığda partladıyış zamanı 3 nəfər həlak olub, 100-ə yaxın yaralı var – YENILƏNIB
Türkiyənin Elazığ şəhərində həyata keçirilən partlayış nəticəsində 3 nəfər həlak olub, 100 yaxın insan isə müxtəlif dərəcəli xəsarət alıb.
1news.az-ın Türkiyə KİV-lərinə istinadən verdiyi məlumata əsasən, daha əvvəl 40 nəfərin xəsarət alması barədə xəbər yayılmışdı.
Terrorçular partlayıcı maddə ilə dolu avtomobili şəhərin mərkəzindən 6 kilometr uzaqlıqda yerləşən Sursuru kvartalındakı 4-mərtəbəli polis bölməsinin binasının önündə partladıblar.
1news.az
11:32
Türkiyənin Elazığ vilayətində təhlükəsizlik idarəsi binasının qarşısında partlayış törədilib.
1news.az-ın Hürriyet-ə istinadən verdiyi məlumata əsasən, hadisə yerinə çoxlu sayda təcili tibbi maşını gəlib.
Son məlumata görə, partlayış nəticəsində müxtəlif dərəcədə xəsarət alan 15 nəfər xəstəxanalara çatdırılıb.
Partlayış nəticəsində ətrafdakı binalara da ziyan dəyib.
İlkin ehtimala görə, partlayış terror aktının nəticəsidir.
1news.az
