“Gələcəyin ünvanı: Prezident İlham Əliyevin islahatlar strategiyası” adlı konfrans keçirilir

Bakıda "Gələcəyin ünvanı: Prezident İlham Əliyevin islahatlar strategiyası" mövzusunda konfrans başlayıb.

1news.az APA-ya istinadən xəbər verir ki, Yeni Azərbaycan Partiyasının (YAP) təşkilatçılığı ilə keçirilən konfransa dövlət və hökumət nümayəndələri, millət vəkilləri qatılıb.

Yeni Azərbaycan Partiyasının sədr müavini-icra katibi, baş nazirin müavini Əli Əhmədov çıxışında bildirib ki, prezident İlham Əliyevin həyata keçirdiyi islahatlar Azərbaycanı möcüzəvi yüksəkliklərə qaldırıb. O deyib ki, hazırda dünyanın 200 dövləti arasında Azərbaycan 70-ci yerdə dayanır:

"Bu, Azərbaycanın qürur mənbəyini formalaşdıran amillərdən biridir. Prezident İlham Əliyevin rəhbərliyi altında çox böyük dəyişikliklərə rəvac verən islahatlar konsepsiyası işlənib hazırlanmaqdadır. Bu, Azərbaycanın daha yüksək səviyyəyə qalxmasına imkan verəcək, Azərbaycan öz möcüzələri ilə yenidən dünyada tanınmağa imkan qazanacaq. YAP bütün potensialını bu ideyaları həyata keçirmək uğrunda səfərbər edib. Prezident İlham Əliyevin müəyyənləşdirdiyi islahatlar konsepsiyası təqdim olunacaq”.

Tədbir rəsmilərin çıxışları ilə davam edir.

1news.az