“Telegram”ın başı İŞİD-ə görə dərddədir - FOTO

Mesajlaşma platforması Telegram, hər ay 2000-dən çox İŞİD əlaqəli kanalı bağladığını elan edib.

1news.az Technote-yə istinadən xəbər verir ki, adı İŞİD ilə birlikdə çəkilməyə başladığından bəri mesajlaşma platforması “Telegram”ın başı ağrıyır.

İŞİD üzvləri tərəfindən istifadə edilən “Telegram”, mediada özü ilə bağlı çıxan mənfi xəbərlərin ardından mövzuyla bağlı rəsmi “Twitter” hesabı vasitəsilə hər gün İŞİD ilə əlaqəsi olan 60-dan çox kanalı blok etdiyinə dair açıqlama verib.

Edilən açıqlamada hər ay bloklanmış İŞİD ilə əlaqəli kanal sayının 2000-dən çox olduğu qeyd edilib. Sentyabrda 1987, oktyabrda 1800, noyabrda 2094 və dekabrda isə 2118 İŞİD kanalı bağlanılıb.

“Telegram”ın CEO-su və eyni zamanda sosial media platforması olan “VK”nın qurucusu Pavel Durov da mövzu ilə bağlı açıqlama verib:

“Bəzi media qurumları “Telegram”ın, platformasını İŞİD tərəfindən istifadə edilməsi mövzusunda kifayət qədər səy göstərmədiyini, ya da heç bir şey etmədiyini iddia edirlər. Heç bir şey həqiqətən bu qədər uzaq ola bilməz”.

1news.az