Lənkəran sakininin maşınından 2 kiloqrama yaxın tiryək tapıldı

Lənkəran sakininin avtomobilindən xeyli miqdarda narkotik maddə tapılıb.

1news.az-ın Daxili İşlər Nazirliyinə istinadən verdiyi xəbərə görə, Lənkəran ŞRPŞ əməkdaşlarının həyata keçirdikləri əməliyyat-axtarış tədbirləri nəticəsində şəhər sakinləri Yalçın Məmmədov və Əbülfəz Cəbiyev şübhəli şəxs qismində saxlanılıblar.

Y.Məmmədova məxsus “Mercedes” markalı avtomobilə baxış zamanı 1 kiloqram 905 qram tiryək və 14,6 qram tropikamid aşkar edilərək götürülüb.

1news.az