AŞPA həmməruzəçilərinin Azərbaycana səfəri başlayıb

Avropa Şurası Parlament Assambleyasının (AŞPA) Monitorinq Komitəsinin həmməruzəçiləri Ştefan Şennax və Sezar Florin Predanın Azərbaycana səfəri başlayıb.

Bu haqda Assambleyanın mətbuat xidmətdində bildirilib.

Səfər zamanı həmməruzəçilər Azərbaycanın Avropa Şurası qarşısındakı öhdəliklərinin yerinə yetirilməsi vəziyyətini qiymətləndirəcək.

Ştefan Şennax və Sezar Florin Predanın Bakıda Azərbaycan Prezidenti, parlamentin sədri, ədliyyə və daxili işlər nazirləri, Ali Məhkəmənin sədri, baş prokuror, vəkillər kollegiyasının sədri, parlament üzvləri, o cümlədən Azərbaycanın AŞPA-dakı nümayəndə heyəti ilə görüşlər keçirəcəyi planlaşdırılır.

Həmçinin, həmməruzəçilər vətəndaş cəmiyyətinin, müxalifət partiyalarının, eləcə də beynəlxalq ictimaiyyətin nümayəndələri ilə görüşəcək.

Azərbaycan Avropa Şurasına daxil olan doqquz  üzv-ölkələrdən biridir ki, burada ATƏT-in monitorinq prosedurları, ölkənin inkişafı ilə bağlı müntəzəm olaraq hesabat və debatlar keçirilir. Analoji qiymətləndirmə səfərləri Albaniya, Ermənistan, Bosniya və Herseqovina, Gürcüstan, Moldova, Rusiya, Serbiya və Ukraynada da keçirilir.

Azərbaycan 2001-ci ildən insan haqları və demokratiyanın inkişafı üzrə ən iri təşkilat – Avropa Şurasının üzvüdür. Bununla ölkə milli qanunvericiliyin həyata keçirilməsilə bağlı beynəlxalq standartlara uyğun öhdəlik götürüb.

Səfər yanvarın 14-də başa çatacaq.

1news.az