Təyyarə qəzasına görə Qırğızıstanda matəm elan olunacaq

Yanvarın 17-də Qırğızıstanda matəm günü elan olunacaq.

1news.az xəbər verir ki, bu barədə APA-ya Qırğızıstanın Azərbaycandakı səfiri Aycigit  Buranov bildirib.

O, səfirlikdə dövlət bayrağının endirildiyini və 17-18 yanvar tarixində səhər və axşam saatlarında səfirlikdə xatirə kitabının açılacağını söyləyib.

Qeyd edək ki, Türk Hava Yollarına məxsus yük təyyarəsinin Qırğızıstanda qəzaya uğraması nəticəsində 37 nəfər ölüb, 7-si uşaq olmaqla, 11 nəfər yaralanıb.

1news.az