Şəhidlər xiyabanı ziyarətçiləri qəbul etməyə hazırdır – FOTO
Şəhidlər xiyabanında 20 Yanvar - Ümummilli Hüzn Gününə hazırlıq işləri başa çatıb. Xiyabanın girişində 20 yanvar faciəsinin simvoluna çevrilən qərənfillərdən yeni kompozisiya qurulub. Hər il olduğu bu il də xiyabanı minlərlə insan ziyarətə gəlir.
Şəhidlər xiyabanı ziyarətçiləri qəbul etməyə tam hazırdır. Aparılan abadlıq və dekorasiya işləri artıq yekunlaşıb. Xiyabanın girişində Qanlı Yanvar hadisələrindən sonra hüzn simvoluna çevrilən bir cüt qərənfilin kompozisiyası yaradılıb. Bu kompozisiyadan Şəhidlərin məzarlarına qədər qərənfillər düzülüb.
Divarlardakı səkkizguşəli ulduzların üzərinə də cüt qərənfillər vurulub. Xiyabanın ərazisində ziyarətçilərin sərbəst hərəkətini təmin etmək məqsədilə xüsusi dəhliz ayrılıb. Əraziyə təcili yardım xidməti cəlb edilib. Sabah Şəhidlər xiyabanı istiqamətində nəqliyyatın hərəkəti məhdudlaşdırılacaq.
AZƏRTAC
