Donald Tramp ABŞ prezidenti oldu
ABŞ yeni seçilmiş Prezidenti Donald Trampın inauqurasiya mərasimi keçirilir.
Mərasimdən əvvəl Donald Tramp ilə Barak Obama arasında Ağ evdə görüş olub. Görüşdə Donald Trampın və Barak Obamanın xanımları da iştirak ediblər.
Sonra Barak Obama və Donald Tramp birgə avtomobil karvanının müşayiəti ilə inauqurasiya mərasiminin keçirildiyi ABŞ konqresinə gəliblər.
Mərasimdə prezidentliyə namizəd Hillari Klinton və onun həyat yoldaşı, sabiq Prezident Bill Klinton, həmçinin ABŞ-ın digər keçmiş prezidentləri, dövlət və hökumət nümayəndələri, konqresin üzvləri iştirak edirlər.
İnauqurasiya mərasimini senator Roy Blant açıb. Nyu-Yorkun senatoru Çak Şumer də mərasimdə çıxış edib.
Maykl Pens ABŞ-ın 48-ci vitse prezidenti kimi and içib.
Sonra 45-ci Prezident Donald Tramp vəzifəsinin icrasına başlaması ilə bağlı and içib.
Donald Tramp inauqurasiya mərasimində çıxış edir.
RİA Novosti
