Azərbaycan BMT-nin Gənclər Forumunda təmsil olunur - FOTO

Böyük İpək Yolu Beynəlxalq Gənclər İttifaqının baş katibi Aytən Əliyeva BMT-nin İqtisadi və Sosial Şurasının Gənclər Forumunda iştirak edir.

Təşkilatdan 1news.az-a verilən məlumata görə, 6-cı dəfədir keçirilən Forumun builki mövzusu “Yoxsulluğun aradan qaldırılmasında gənclərin rolu” olub.

Forumda həm müxtəlif dövlətlərin rəsmi şəxsləri, həm də BMT-nin gənc səfirləri və QHT nümayəndələri iştirak edir. Gender bərabərliyi, təhsil, sağlam həyat tərzi, iqlim dəyişiklikləri kimi mövzuların müzakirə edildiyi Forumda BMT-nin Davamlı İnkişaf Məqsədlərinin həyata keçirilməsi üzrə müzakirələr ön planda olub.

Müzakirələr zamanı çıxış edən Baş katib Azərbaycanda Davamlı İnkişaf Məqsədlərinin həyata keçirilməsi üzrə Milli Komissiyanın yaradıldığını diqqətə çatdırıb.

1news.az