Nalbandyan erməni tərəfinin qəsdən Azərbaycan əsgərinin cəsədini qaytarmadığını etiraf edib
İrəvan Azərbaycan Silahlı Qüvvələrinin əsgəri Çingiz Qurbanovun meyitini istintaq tədbirlərinin bitmədiyi üçün qaytarmır.
1news.az-ın erməni KİV-ə istinadla verdiyi xəbərə görə, bu sözləri Ermənistanın XİN rəhbəri Edvarda Nalbandyan qatarılmamağın səbəbi rəsmi səviyyədə təsdiqləndiyini bildirərkən qeyd edib.
O, yenə də Bakının ünvanına əsassız ittihamlar irəli sürərək qeyd edib ki, guya Azərbaycan “insidentlərin araşdırlması mexanizmindən imtina edir. Və bu şərtlərlə Ermənistan özü tədbirlər həyata keçirməli olur”.
Bununla yanaşı Nalbandyan erməni silahlı qüvvələrinin təmas xəttində insidentlərə səbəb olması ilə bağlı bir söz belə söyləmir. Və Dağlıq Qarabağın işğalı tərəflər arasında hərbi qarşıdurmanın ilkin səbəbi olduğunu da qeyd etmir.
Xatırladaq ki, 2016-cı il dekabrın 29-da səhər saatlarında Ermənistan silahlı qüvvələrinin kəşfiyyat qrupu Azərbaycan-Ermənistan dövlət sərhədini pozmağa cəhd göstərərkən bölmələrimizin pusqusuna düşüb. Hadisə nəticəsində Silahlı Qüvvələrimizin hərbi qulluqçusu əsgər Qurbanov Çingiz Salman oğlu itkin düşüb. Sonradan məlum olub ki, onun meyiti qarşı tərəfdədir.
Həmçinin Müdafiə Nazirliyi əsgər Qurbanov Çingiz Salman oğlunun meyitinin geri qaytarılması ilə bağlı BQXK-nin Azərbaycan nümayəndəliyinə, ATƏT-in Minsk Qrupuna, o cümlədən ATƏT-in fəaliyyətdə olan sədrinin şəxsi nümayəndəsi Anjey Kaspşikə rəsmi qaydada müraciət edib.
Nalbandyan həmçinin qeyd edib ki, Dağlıq Qarabağ münaqişəsinin nizamlanması ilə bağlı danışıqlar “Madrid prinsipləri əsasənda aparılır”:
“Dəfələrlə bildirilib ki, bunlar vahid şəkildə təqdim edilib. Yəni prinsiplər tam, paket olaraq. Lakin burada mərhələli qərarlar nəzərdə tutulub”.
Münaqişənin nizamlanması məsələsində Moskvanın rolundan danışarkən o, bildirib ki, Rusiya ABŞ və Fransa kimi böyük rol oynayır.
Bununla yanaşı o, növbəti dəfə ictimaiyyəti danışıqların pozulması ilə bağlı məsuliyyətin Azərbaycanın üstünə yıxmaqla yalan məlumat verməyə çalışıb:
“Həmsədrləri deyil, Azərbaycanı ittiham etmək lazımdır. Danışıqların alternativi yoxdur”.
Mövzu ilə əlaqədar oxuyun:
Ermənistan əsgərimizin meyitini qaytarmaqdan imtina edir
XİN: Ermənistan tərəfi Azərbaycan əsgərinin cəsədini qaytarmamaqla Cenevrə Konvensiyasını pozur
BQXK: Azərbaycan əsgərinin meyitinin qaytarılması üçün vasitəçilik etməyə hazırıq
1news.az
