Bakıda qadınlar arasında breyin-rinq yarışı keçirilib – FOTO
Martın 6-da 8 Mart Beynəlxalq qadınlar gününə həsr olunmuş qadınlar arasında breyin-rinq yarışı keçirilib.
1news.az-ın məlumatına görə, “Excelsior Hotel & Spa Baku” otelində “AtaBank” ASC-nin dəstəyi ilə keçirilən yarış “Parlaq zəka” oyununun aparıcısı Aydın Piriyev tətərindən təqdim olunub.
Oyunda iştirakçıların cavablandırdığı suallar qadın dünyasına həsr olunub. Oyunun gedişində bayramın tarixi, dünya tarixində görkəmli qadınlar, qadınların cəmiyyətdə rolu və s. ilə əlaqədar maraqlı suallara cavablar səslənib.
Tədbirdə “AtaBank” ASC-nin Kommunikasiyalar və PR şöbəsinin rəisi Oruc İbrahimov iştirakçıları 8 Mart Beynəlxalq Qadınlar bayramı münasibətilə təbrik edib, onlara uğurlar arzulayıb.
Qalib komandaya təşkilatçılar tərəfindən xatirə hədiyyələri və sertifikatlar təqdim edilib.
Oyun musiqi nömrələri ilə müşayiət olunub, “Excelsior Otel Baku” otelinin HR-meneceri Kamran Rzayev rəngarəng Azərbaycan və xarici musiqili kompozisiyalar ifa edib.
“AtaHolding” Şirkətlər Qrupunun Korporativ kommunikasiyalar şöbəsinin rəisi Dilarə Zamanova qeyd edib ki, bu tədbirin keçirilməsində məqsəd qadınlar üçün bayram atmosferi təşkil etmək, onları sevindirmək və onların kollektivin ayrılmaz hissəsi olduğunu göstərməkdir.
1news.az
