Meksika səfiri Qubaya səfər edib
Meksikanın Azərbaycandakı səfiri Rodriqo Labardini Qubaya səfər edib.
1news.az-a səfirlikdən verilən məlumata görə, diplomat Quba rayon İcra Hakimiyyətinin başçısı Yaşar Məmmədovla görüşüb.
Görüş zamanı İH-in başçısı rayon, onun tarixi, iqtisadiyyatının əsas istiqamət və göstəriciləri haqqında məlumat verib.
Səfir Labardini, öz növbəsində, diplomatik nümayəndəliyin fəaliyyəti və müxtəlif sahələrdə keçirdiyi tədbirlər barədə danışıb. Bundan əlavə, diplomat Meksika iqtisadiyyatı haqqında vacib məlumatlar, ölkəsinin avtomobil, elektronika, kosmik, kənd təsərrüfatı və s. sənayelərində uğurlarından söz açıb.
Həmçinin, Meksika şəhərlərindən birinin Quba rayonu ilə mümkün qardaşlaşması vurğulandı. Qarşılıqlı tanıtım üçün hər iki ölkənin regionları arasında münasibətlərin möhkəmləndirilməsinin vacibliyi qeyd olundu.
Səfər zamanı səfir Quba Soyqırımı Memorial Kompleksi, Xalça Muzeyi və yahudi icmasının yaşadığı Qırmızı Qəsəbəni ziyarət edib.
Pərvanə Sultanova
