Azərbaycan Dostları Assosasiyasının rəhbərindən bəyanat

Fransada Azərbaycan Dostları Assosasiyası iyulun 4-də Ermənistan silahlı qüvvələri  tərəfindən Füzuli rayonunun Alxanlı kəndi mülki əhaliyə qarşı törədilmiş təxribatı pisləyir.

 1news.az-ın məlumatına görə, bu barədə qurumun rəhbəri Jan – Fransua Manselin bəyanatda deyilir.

Qeyd edilib ki, hadisə nəticəsində mülki şəxslər Sahibə Quliyeva və onun 2 yaşlı nəvəsi Zəhra Quliyeva həlak olub, Sərvinaz Quliyeva isə yaralanıb. Bir neçə mülki infrastruktura da zərər gəlib.

Bəyanatda Azərbaycan ərazilərinin Ermənistan tərəfindən qanunsuz işğalı vurğulanaraq, yeni təxribat  nəticəsində zərər çəkmiş insanlara dəstək ifadə olunub.  Ermənilərin dinc əhaliyə və mülki infrastrukturlara qarşı hücumlarının beynəlxalq hüquq və insan hüquqlarına, xüsusilə də 1949-cu ildə qəbul edilmiş Cenevrə konvensiyalarına zidd olduğu qeyd edilib.

“Vəziyyətin bü cür davam etməsi, satus-kvonun saxlanması daha faciəli hadisələrə səbəb ola bilər", vurğulanan bəyanatda BMT TŞ-nın 4 qətnaməsinin həyata keçirilməsinə çağrış edilir.

Pərvanə Sultanova