Britaniya Parlamentinin üzvü: Mülki əhalinin qəsdən atəşə tutulması mənfur hərəkətdir

İyulun 4-də Ermənistan silahlı qüvvələrinin Azərbaycanın Füzuli rayonunun Alxanlı kəndinin mülki əhalisini atəşə tutması nəticəsində Sahibə Quliyevanın və iki yaşlı nəvəsi Zəhra Quliyevanın həlak olması barədə Avropa Azərbaycan Cəmiyyəti (TEAS) Böyük Britaniya-Azərbaycan Parlamentlərarası Dostluq Qrupunun sədri, deputat Bob Bləkmana sorğu ilə müraciət edib.

TEAS-dan 1news.az-a bildiriblər ki, Bob Bləkman sorğuya cavabında insan tələfatının təəssüf hissi doğurduğunu vurğulayıb. Deputat deyib ki, lakin iki insanın ölümü ilə nəticələnən dinc sakinlərin qəsdən hədəfə alınması mənfur hərəkətdir. Ermənistan silahlı qüvvələri təmas xətti boyunca atəşi dayandırmalı və sülh danışıqlar üçün zəmin yaratmalıdır.

1news.az