Azərbaycan prezidenti qazaxıstanlı həmkarına məktub göndərib
Azərbaycan prezidenti İlham Əliyev qazaxıstanlı həmkarı Nursultan Nazarbayevi 77 illiyi ilə münasibəti ilə təbrik edib.
1news.az-ın APA-ya istinadla verdiyi xəbərə görə, bu barədə Qazaxıstan prezidentinin rəsmi saytında qeyd edilib.
Azərbaycan prezidenti məktubda Qazaxıstan prezidentinin müdrik və uzaqgörən siyasəti nəticəsində Qazaxıstanın sosial-iqtisadi və mədəni inkişafını qeyd edib, Qazaxıstanın qlobal proseslərdə fəal iştirak etdiyini vurğulayıb.
İ.Əliyev Azərbaycanla Qazaxıstan arasında dostluq və mehriban qonşuluq ənənəsinin qorunmasında Qazaxıstan prezidentinin xidmətlərini yüksək qiymətləndirib:
“İnanıram ki, bir-birinə tarixi köklərlə bağlı olan xalqlarımızın iradəsinə uyğun olaraq ölkələrimiz arasında münasibətlər, tərəfdaşlıq, ikitərəfli və çoxtərəfli əməkdaşlıq gələcəkdə də dinamik və davamlı şəkildə inkişaf edəcək. Bu gözəl gündə sizə möhkəm cansağlığı, xoşbəxtlik, qardaş Qazaxıstan xalqının rifahı naminə yorulmaz fəaliyyətinizdə uğurlar arzulayıram”.
S.Xankişiyeva
