Zakir Həsənov: Ermənistandakı “İsgəndər” raketlərini vurmağa qadirik

Azərbaycan Silahlı Qüvvələri (SQ) Ermənistanda yerləşdirilən “İsgəndər” raket komplekslərini vura biləcək raket əleyhinə müdafiə sisteminə malikdir.

1news.az-ın verdiyi xəbərə görə, bunu RİA Novosti agentliyinə müsahibəsində Azərbaycanın müdafiə naziri Zakir Həsənov deyib.

“Müdafiə naziri olaraq bəyan edirəm ki, bizim bu raketləri məhv edə biləcək sistemlərimiz mövcuddur. Bizdə həmin raketlərin sayı 50 dəfə çoxdur. Dediyim hər sözə görə cavabdehəm. Siz təssəvür edin onların hərbi obyektləri hansı vəziyyətə düşəcək əgər onlar bu raketlərdən istifadə etmək qərarına gəlsələr.

Bəli “İsgəndər” yaxşı raketdir. Lakin ortada bir neçə sual yaranır. Birincisi bu raket sisteminin bir neçə növü mövcuddur. İkincisi, həmin “İsgəndər” hansı vəziyyətdədir? Üçüncüsü, bu “İsgəndər”i kim idarə edir? Dördüncüsü, onu tətbiq etməyi bacaracaqlarmı? Biz hərbçi olaraq hər zaman ən pis varinatı nəzərdən keçririrk. Biz də buna hazırıq.

Sizə yuxarıda bəhs etdiyim raketlər Rusiyadan alınmayıb. Amma onlar keyifiyyətcə geri qalmır. Onu da deyim həmin silahlı modernləşdirmişik, hərbi atışları keçirmişik. Nəticə əladır. Bu gün biz əminik ki, yaşayış məntəqələrimizi və Silahlı Qüvvələrimizi müdafiə edə biləcəyik”.

S.Xankişiyeva