Bakıda və Göygöldə ev yanıb

Bakıda və Göygöldə iki evdə yanğın olub.

1news.az-ın Fövqəladə Hallar Nazirliyinə istinadən verdiyi xəbərə görə, Bakı şəhəri, Xəzər rayonunda vətəndaşa məxsus ümumi sahəsi 240 m2 olan ikimərtəbəli 8 otaqlı evin 1-ci mərtəbəsində yerləşən mətbəxin yanar konstruksiyaları 25 m2 sahədə yanıb. Evin qalan hissəsi yanğından mühafizə olunub.

Bundan başqa Göygöl rayonunda vətəndaşa məxsus ümumi sahəsi 120 m2 olan ikimərtəbəli 7 otaqlı evin dam örtüyünün yanar konstruksiyaları 65 m2 sahədə və evə bitişik ümumi sahəsi 24 m2 olan köməkçi tikilinin yanar konstruksiyaları yanıb.

Evin qalan hissəsi yanğından mühafizə olunub.

Babək Cahandarov