“Doyarka” kəsmiyinin etiketində saxtakarlıq aşkar edilib | 1news.az | Xəbərlər
Cəmiyyət

“Doyarka” kəsmiyinin etiketində saxtakarlıq aşkar edilib

14:39 - 03 / 08 / 2017
“Doyarka” kəsmiyinin etiketində saxtakarlıq aşkar edilib

İqtisadiyyat Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti tərəfindən istehlak bazarında nəzarət tədbirləri davam etdirilir.

Nazirlikdən 1news.az-a bildiriblər ki, növbəti yoxlamalar zamanı Bakı şəhəri, Nərimanov rayonu, Ə.Qayıbov küçəsi, 5 ünvanında fəaliyyət göstərən fiziki şəxs Gülbala Qasımzadə tərəfindən istehsal olunan “Doyarka” adlı kəsmiyin etiketində onun saxlama temperaturunun düzgün göstərilmədiyi müəyyən olunub.

Saxlanma temperaturunun düzgün göstərilməməsi istehlakçıda çaşqınlıq yaratmaqla, məhsulun normativ sənədlərlə müəyyən edilmiş temperaturda saxlanılmamasına və nəticədə tərkibində insanların həyat və sağlamlığı üçün təhlükəli mikroorqanizmlərin miqdarının artmasına və keyfiyyətinin aşağı düşməsinə səbəb olur. 

Bununla əlaqədar istehsal olunan məhsulların markalanmasının mövcud qanunvericiliyin tələblərinə uyğunlaşdırılması barədə fərdi sahibkar Gülbala Qasımzadəyə müvafiq göstəriş verilib.

Babək Cahandarov

Paylaş:
618

Son xəbərlər

Bütün xəbərlər