Türkiyədə ağır yol qəzası: 8 nəfər həlak olub

Türkiyənin Ağrı vilayətində ağır yol qəzası baş verib.

1news.az “Hürriyet”ə istinadən xəbər verir ki, hadisə Palandökən kəndi ərazisində qeydə alınıb.

Məlumata əsasən, ağır tonnajlı yük maşının daşıdığı qaldırıcı kran mikroavtobusun üstünə düşüb.

Qəza nəticəsində 8 nəfər ölüb, 15 nəfər xəsarət alıb. Yaralılar xəstəxanaya yerləşdirilib, onlardan 4-ün vəziyyətinin ağır olduğu bildirilir. Hadisənin səbəbləri araşdırılır.

1news.az