Ermənistanda faşist Qaregin Njdenin heykəli güllələnib
Ermənistanın Sünik vilayətində faşist Almaniyası ilə əməkdaşlıq etmiş Qaregin Njdenin heykəli güllələnib.
1news.az-ın news.am-a istinadla verdiyi xəbərə görə, güllələnmiş heykəlin fotosunu vilayət qubernatorunun mətbuat katibi Vazgen Saqatelyan öz Facebook səhifəsində paylaşıb.
O bildirib ki, heykəlin bərpası ilə bağlı komissiya yaradılıb.
Xatırladaq ki, bu il mayın 28-də İrəvanda Q. Njdenin daha bir heykəlinin açılışı olub.
Üçüncü Reyxlə əməkdaşlıq etmiş, SSRİ-yə qarşı düşmənçilik fəaliyyəti göstərmiş Q. Njdenin abidəsinin açılışı böyük səs-küyə səbəb olub.
Açılış mərasimində Ermənistan prezidenti və yüksək vəzifəli şəxslər iştirak ediblər. Ermənistan rəhbərliyinin bu addımı həm Rusiya, həm də beynəlxalq ictimaiyyət tərəfindən narazılıqla qarşılanıb.
Mövzu ilə əlaqədar oxuyun:
Hikmət Hacıyev: "Faşizmin qəhrəmanlaşdırılması ilə Ermənistan rejimi əsl mahiyyətini göstərir"
Meksikanın tanınmış qəzeti Njde Qareginə ucaldılmış heykələ görə Ermənistanı qınayıb
S.Xankişiyeva
