Ərdoğanın Azərbaycana səfər proqramı açıqlanıb
Türkiyə Prezidenti Rəcəb Tayyib Ərdoğanın 30-31 0ktyabr tarixlərində Azərbaycana səfərinin proqramı açıqlanıb.
1news.az Türkiyə dövlət başçısının saytına istinadla xəbər verir ki, Ərdoğan Azərbaycan Prezidenti İlham Əliyev və Gürcüstan prezidenti Giorgi Kvirikaşvili ilə birliklə oktyabrın 30-da Bakı-Tbilisi-Qars dəmiryolunun açılış mərasimində iştirak edəcək.
Bundan əlavə o, Azərbaycan Prezidenti ilə birgə Yüksək Səviyyəli Strateji Əməkdaşlıq Şurasının 6-cı toplantısına qatılacaq.
Bir sıra nazirlərin də iştirak edəcəyi toplantıda ikitərəfli əməkdaşlıq məsələlərinin bütün istiqamətləri müzakirə olunacaq. Həmçinin, tərəflər Dağlıq Qarabağ problemi başda olmaqla, regional və beynəlxalq məsələlər ətrafında fikir mübadiləsi aparacaqlar. İki ölkə arasında bir sıra sənədlərin imzalanması nəzərdə tutulub.
P.Sultanova
