Qurban Qurbanovdan xeyirxah addım

“Qarabağ”ın və Azərbaycan milli komandasının baş məşqçisi Qurban Qurbanov xeyirxah addım atıb.

1news.az “Sportlife” nəşrinə istinadən xəbər verir ki, Qurbanov ürək xəstəliyindən əziyyət çəkən keçmiş komanda yoldaşı, Tovuzun “Turan” klubunda birgə oynadığı Vəli Hüseynovun əməliyyat xərclərini ödəyib.

Əməliyyat üçün lazım olan 10 min manatı ödəməyi öz öhdəsinə götürən Qurban Qurbanov keçmiş komanda yoldaşının əlavə xərclərinə də köməklik edib.

Qeyd edək ki, Vəli Hüseynov “İnter” klubunun U-14 komandasında baş məşqçi kimi çalışırdı.

Babək Cahandarov