İndoneziya parlamentinin spikeri saxlanılıb

İndoneziyanın korrupsiyaya qarşı mübarizə komissiyası parlamentin spikeri Setiu Novantonu saxlayıb.

1news.az RİA Novostiyə istinadla xəbər verir ki, spiker dövlət büdcəsindən təxminən 170 milyon dolları mənimsəməkdə şübhəli bilinir. Məlumata görə, spiker büdcə vəsaitlərinin mənimsənilməsi üzrə təqsirləndirilən şəxslərdən biridir.

Korrupsiyaya qarşı mübarizə komissiyasının əməkdaşları onun evində axtarış aparıblar. Novanto həmin gün evdə olmayıb. Spiker bir gün sonra,  öz avtomobilində qəzaya düşdükdən sonra tapılıb. Novanto müayinə üçün dövlət xəstəxanasına göndərilib. Həkimlər siyasətçinin xəstəxanaya yerləşdirilməsinə əsas görmədiklərini vurğulayıblar.

 Bazar günü o, təkərli kürsüdə komissiyanın binasına aparılıb. İş üzrə ilk dinləmə noyabarın 30-na təyin edilib.

P.Sultanova