Bakıda həkimin komaya saldığı qız öldü - FOTO
Bakıda "Grand Hospital”da həkim səhlənkarlığı və qeyri-peşəkarlığı ucbatından komaya düşən 20 yaşlı Ayşən Mirzəyeva dünyasını dəyişib.
1news.az xəbər veir ki, bu barədə Medicina.az-a qızın valideynləri məlumat verib. Bildiriblər ki, övladları bu dəqiqələrdə keçinib.
"Əməliyyatı aparan invaziv radioloq İlqar Hüseynov da qaçıb gizlənib. Tapa bilmirik ki, sözümüzü deyək. Xəstəxanadan heç kim çıxıb bir söz demir bizə”, dünyasını dəyişən 20 yaşlı xəstənin yaxınları deyib.
Məsələ ilə bağlı İ. Hüseynovdan açıqlama almağa çalışılsa da, telefon zənglərinə cavab verməyib.
Xatırladaq ki, Ayşən Mirzəyeva noyabr ayının 30-da "Grand Hospital"da damarın hemangioması diaqnozu ilə əməliyyata alınıb. Əməliyyatı invaziv radioloq İlqar Hüseynov aparıb. Proses zamanı damarın bağlanılması üçün istifadə olunan material Ayşən Mirzəyevanın beyninə gedib və qız komaya düşüb.
Fotoda həkim İ.Hüseynov
1news.az