Saakaşvili azadlıqda - YENİLƏNİB
Kiyevdə bir neçə saat əvvəl saxlanılmış Gürcüstanın keçmiş prezidenti Mixeil Saakaşvili artıq azadlıqdadır.
1news.az xəbər verir ki, bu barədə görüntülər M. Saakaşvilinin “facebook” səhifəsində canlı yayımda nümayiş olunub.
Mixeil Saakaşvilinin tərəfdaşları onu Ukrayna güc strukturlarına məxsus mikroavtobusdan çıxarıblar. M. Saakaşvili güc strukturlarının əməkdaşlarının əlindən çıxaraq tərəfdarlarının əhatəsində ərazidən uzaqlaşıb.
1news.az
12:45
Gürcüstanın keçmiş prezidenti, Ukraynanın Odessa vilayətinin sabiq qubernatoru Mixeil Saakaşvili hakimiyyəti devirməyə cəhddə ittiham olunur.
1news.az bu barədə TASS-a onun vəkili Pavel Boqomazov deyib.
“Saakaşvili Konstitusiya qurluşunu devirmək cəhdində günahlandırılır”, deyə vəkil əlavə edib.
1news.az
12:23
Gürcüstanın keçmiş prezidenti, Ukraynanın Odessa vilayətinin keçmiş qubernatoru Mixeil Saakaşvili Kiyevdə saxlanılıb.
1news.az xəbər verir ki, bu barədə Saakaşvilinin tərəfdarları məlumat verib. Onu hüquq-mühafizə orqanları əməkdaşları yaşadığı binanın damında tutduqları bildirilir.
Xatırladaq ki, Gürcüstanın keçmiş prezidenti, Ukraynada Yeni Qüvvələrin Hərəkatı Partiyasının lideri Mixeil Saakaşvili onun evini axtarışa gələn polislərə etiraz olaraq, yaşadığı binanın damına çıxıb və özünü atacağını bildirib.
1news.az
