Astana aeroportunda 15-dən çox reys təxirə salınıb
Astanada güclü qar yağması ilə əlaqədar Nursultan Nazarbayev beynəlxalq aeroportunda 15-dən çox reys təxirə salınıb, dördü isə ləğv olunub.
1news.az-ın AZƏRTAC-a istinadla verdiyi xəbərə görə, ləngimələr Qazaxıstan aviaşirkətlərinin reyslərinə şamil edilib.
Qazaxıstan meteoroloji xidmətlər idarəsi - “Kazqidromet” dekabrın 10-11-də Astanada çovğun və yolların buz bağlamasının gözlənildiyini bildirmişdi.
Almatı şəhərində “Air Astana” aviaşirkətinə məxsus təyyarə uçuş-enmə zolağından kənara çıxıb. Almatı–Banqkok reysi üzrə hərəkət edən təyyarə də uçuş-enmə zolağından kənara çıxıb. Sərnişinlər başqa təyyarə ilə Banqkoka göndərilib.
S.Xankişiyeva
832
