“Neftçi” və “Keşlə” yarımfinalda - VİDEO
Bu gün Azərbaycan Kubokunda 1/4 final mərhələsinin cavab oyunlarına start verilib.
1news.az xəbər verir ki, yarımfinalın ilk iştirakçısı Gəncədə məlum olub. Burada “Kəpəz” ilk qarşılaşmada 0:2 hesabı ilə uduzduğu “Keşlə”ni qəbul edib. Oyun qonaqların 3:2 hesablı qələbəsi ilə başa çatıb. Bu nəticə ilə paytaxt təmsilçisi yarımfinala yüksəlib.
Günün digər matçında isə “Neftçi” “Zirə”ni qəbul edib. İlk oyunda 0:1 hesabı ilə uduzan “ağ-qaralar” cavab görüşündə 2:0 hesabı ilə qalib gələrək növbəti mərhələyə adını yazdırıb.
Qeyd edək ki, 1/4 finalın digər oyunları sabah keçiriləcək.
Azərbaycan kuboku
1/4 final mərhələsi, cavab oyunları
14 dekabr
“Neftçi” - “Zirə” - 2:0
Qırmızı vərəqə: Yovan Krneta, 90+4
Qollar: Barqas, 36, Mirabdulla Abbasov, 45+2
“Kəpəz” – “Keşlə” – 2:3
Qollar: Şəhriyar Rəhimov, 48; Kamran Abdullazadə, 80 - Mirsahib Abbasov, 34, 85; Pərdis Fərcad-Azad, 82
1news.az
