Avropanın ən qocaman sakini 116 yaşında vəfat edib
Avropanın ən yaşlı qadın sakini Ana Vela 116 yaşı tamam olandan ayarım sonra Barselonadakı qocalar evində vəfat edib.
1news.az-ın AZƏRTAC-a istinadla verdiyi xəbərə görə, Pais nəşrinin yaydığı məlumata görə, peşəcə dərzi olan Ana Vela 1901-ci ilin oktyabrında Andalusiya vilayətinin Puente-Xenil bələdiyyəsində doğulub. O, səhhəti sarıdan, demək olar, heç bir problem yaşamayıb.
Vela son illərdə İspaniyanın uzunömürlülük rəmzinə çevrilmişdi. Onun qızlarından birinin 90, nəvəsinin isə 60 yaşı var.
Qocalar evindən bildiriblər ki, Ana Vela öz yatağında yuxuda ikən, əziyyətsiz keçinib.
S.Xankişiyeva
595