Prezident İlham Əliyevin ünvanına təbriklər gəlməkdə davam edir

Ad günü münasibətilə Azərbaycan Prezidenti İlham Əliyevin ünvanına təbriklər gəlməkdə davam edir.

Rusiya Federasiyası Dövlət Dumasının deputatı, SSRİ Xalq Artisti İosif Azərbaycan Respublikasının Prezidenti İlham Əliyevi doğum günü münasibətilə təbrik edib.

1news.az-ın dövlət başçısının rəsmi saytına istinadla verdiyi xəbərə görə, təbrikdə deyilir:

“Hörmətli İlham Heydər oğlu.

Doğum gününüz münasibətilə ən səmimi təbriklərimi qəbul edin.

Sizə möhkəm cansağlığı, şəxsi səadət, Zati-alinizə və yaxınlarınıza rifah, xoş günlər və əmin-amanlıq, sevimli Azərbaycanın firavanlığı və möhtəşəmliyi naminə nəcib fəaliyyətinizdə uğurlar arzu edirəm”.

Bundan əlavə, Azərbaycan Respublikasının Prezidentini Rusiyanın “LUKOYL” Publik Səhmdar Cəmiyyətinin prezidenti Vahid Ələkbərov, Rusiyanın “Qazprom” Publik Səhmdar Cəmiyyətinin idarə heyətinin sədri Aleksey Miller, Həmkarlar İttifaqlarının Ümumi Konfederasiyasının baş katibi Vladimir Şerbakov, Rusiya Federasiyası Dövlət Dumasının deputatı, Dumanın təhlükəsizlik və korrupsiyaya qarşı mübarizə komitəsi sədrinin birinci müavini Dmitri Savelyev, Çeçenistan Respublikası hökumətinin sədri Ruslan Edelgeriyev, Nizami Gəncəvi Beynəlxalq Mərkəzinin həmsədrlərindən və İdarə Heyətinin üzvləri, Makedoniya Respublikasının Prezidenti Gyorge İvanov, Qırğız Respublikasının Prezidenti Sooronbay Jeenbekov, Moldova Respublikasının Prezidenti İqor Dodon, Belarus Respublikasının Prezidenti Aleksandr Lukaşenko və digər dövlət xadimləri təbrik ediblər.

S.Xankişiyeva