İTV-nin keçmiş aparıcısı vəfat edib
Mərdəkan Mədəniyyət Sarayının bədii rəhbəri, “İctimai” TV-də uşaq verilişlərinin aparıcısı olmuş Kamran İsrafilov 39 yaşında dünyasını dəyişib.
1news.az xəbər verir ki, bu barədə Mərdəkan Mədəniyyət Sarayından məlumat verilib.
Mərhum fevralın 12-də səhər saatlarında beyninə qan sızma (insult) nəticəsində vəfat edib.
O, 2016-cı ildən Mərdəkan Mədəniyyət Sarayının bədii rəhbəri təyin edilmişdi.
Qeyd edək ki, K.İsrafilov bir müddət İctimai Televiziyada uşaqlar üçün verilişin aparıcısı olub. Kamran İsrafilov Heydər Əliyev Fondunun təşəbbüsü ilə baş tutan Novruz Bahar Festivalının keçirilməsində, Strasburqda YUNESCO-nun qərargahında Azərbaycan Dövlət Gənclər Simfonik Orkestrinin və Uşaq Xorunun iştirakı ilə “Azərbaycanın xoşməramlı mələkləri” adı altında keçirilən konsertin lentə alınmasında və bir sıra digər tədbirlərin işıqlandırılmasında yaxından iştirak edib.
O, "Əbədi ezamiyyət" sənədli filmində Əlimərdan bəy Topçubaşov obrazını da canlandırıb.
1news.az
