“El Klassiko”nun vaxtı açıqlandı

İspaniya La Liqasının ikinci dövrəsində keçiriləcək “Barselona” – “Real” matçının vaxtı açıqlanıb.

1news.az-ın məlumata görə, mövsümün ikinci “El Klassiko”su mayın 6-da keçiriləcək. Çempionatın 36-cı turuna təsadüf edən oyun Bakı vaxtı ilə saat 23:45-də start götürəcək.

Komandalar arasında ilk dövrədə “Santyaqo Bernabeu” stadionunda keçirilən görüşdə “Barselona” 3:0 hesablı qələbə qazanmışdı.

Qeyd edək ki, La Liqada 25 turdan sonra “Barselona” 65 xalla turnir cədvəlinə başçılıq edirsə, aktivində 51 xal olan “Real” 3-cü pillədə qərarlaşır.

1news.az