Matthias Dornfeldt: Seçicilərin böyük qismi İlham Əliyevə rəğbət bəsləyir

Prezident İlham Əliyev seçkiləri artıq ilk mərhələdə qazanacaq. İlham Əliyev ötən prezidentlik dövrlərində gözəçarpan müvəffəqiyyətlərə nail olub və seçicilərin də böyük qisminin rəğbəti onun tərəfindədir.

1news.az-ın verdiyi xəbərə görə, bu fikirləri müsahibəsində Almaniyanın Potsdam Universitetinin dosenti Matthias Dornfeldt bildirib:

- Qarşıdan gələn prezident seçkilərində İlham Əliyevin şanslarını necə qiymətləndirirsiniz?

- Məncə, Prezident İlham Əliyev seçkiləri artıq ilk raundda qazanacaq. Əliyev ötən prezidentlik dövrlərində gözəçarpan müvəffəqiyyətlərə nail olub və seçicilərin də böyük qisminin rəğbəti onun tərəfindədir. Bundan başqa, nəzərə alınmalıdır ki, digər namizədlər tanınma və rəğbət baxımından İlham ƏIiyevə alternativlik kəsb etmirlər.

- İlham Əliyevin prezidentliyi dövründə Azərbaycanın regional fəaliyyətini necə dəyərləndirirsiniz?

- Azərbaycan Xəzər regionunun stabillik lövbəridir və işğalçı Ermənistanı çıxmaqla bütün qonşuları ilə yaxşı münasibətlər qurub. Misal üçün, Azərbaycanla İsrail arasında mövcud olan mükəmməl münasibətlər haqqında, ölkədəki böyük yəhudi icması haqqında danışmaq olar. Cənub Qaz Dəhlizi layihəsi çərçivəsində qonşu Türkiyə və Gürcüstanın və 2020-ci ildən etibarən Avropanın bir qisminin enerji təhlükəsizliyinin təminatı və bu təminatın diversifikasiyasında Azərbaycanın rolu da xüsusi əhəmiyyətə malikdir.     

S.Xankişiyeva